Бакалавриат таълим йўналишларига қабул бўйича бир қатор тартиблар белгиланди
Давлат комиссияси бир қатор истисно ҳолатларга рухсат берди
Ўзбекистонда давлат олий таълим муассасаларига ўқишга қабул қилиш жараёнларини мувофиқлаштириш бўйича давлат комиссиясининг тегишли баёни қабул қилинди.
Мазкур баён билан 2023-2024-ўқув йили учун давлат олий таълим муассасаларининг бакалавриат таълим йўналишларига қабул бўйича бир қатор тартиблар белгиланди.
Унга кўра қуйидагиларга истисно тариқасида рухсат берилди:
- абитуриентларга тугатган таълим муассасасидан қатъи назар таълим тили қардош (қозоқ, қирғиз, тожик, туркман) тиллардан бирида олиб бориладиган таълим йўналишларига ўқишга кириш учун рўйхатдан ўтишга;
- «Олий ҳамширалик иши» бакалавриат таълим йўналишига ҳамширалик, акушерлик иши ва фельдшерлик бўйича ўрта махсус, касб-ҳунар тиббий маълумотга эга бўлмаган абитуриентлар ҳам рўйхатдан ўтишига.
