Белгиялик эркак сунъий онг туфайли жонига қасд қилди
У Eliza исмли виртуал суҳбатдоши билан 2 ой мулоқот қилган.
Иқлим ўзгаришидан хавотирга тушган белгиялик эркак Eliza виртуал суҳбатдоши билан 2 ой мулоқот қилгач, ўз жонига қасд қилди. Унинг бевасининг айтишича, у сайёрани қутқариш учун ўзини қурбон қилиш ҳақида гапира бошлагач, сунъий онг уни ўз жонига қасд қилишга кўндиришни бошлаган.
Хабар қилинишича, исми сир сақланаётган эркак соғлиқни сақлаш соҳасида тадқиқотчи бўлиб ишлаган ва суицидга мойиллиги бўлмаган.
У мунтазам суҳбатлашган Eliza сунъий онгнинг GPT-J тил моделидан фойдаланади, бу EleutherAI компаниясининг очиқ кодли тизимидир.
