Бразилияда аёл деразадан қулаб тушаётган итни қутқариб қолди
Унинг бу ҳаракати жасорат тимсоли сифатида олқишланмоқда.
Бразилиянинг Гуарулҳос шаҳрида яшовчи Ясмин Сараива ҳафта бошида ўз уйида бўлганида, ташқаридан шовқин эшитиб қолган. Деразадан қараганида, унинг квартираси олдида бир гуруҳ одамлар йиғилиб, юқорига қараётганини кўрган.
Одамлар унга қўшнисининг ити – Аличинянинг хавф остида эканлигини айтишган. Ит юқори қаватдаги деразадан очиқ жойга чиқиб кетган, аммо у ерда фақатгина ҳимоя тўри бор эди. Ҳимоя тармоғи пастки қисмида маҳкам боғланган бўлсада, юқори қисмидаги мустаҳкамлиги заиф бўлган.
Аличиня тўр ва дераза панжараси орасида тиқилиб қолган эди. Саросимага тушган ҳайвон юқорига чиқишга уринаётган эди, бу эса уни янада катта хавфга дучор қиларди.
Вазиятнинг жиддийлигини англаган Ясмин Сараива яқин жойдан мустаҳкам бир қути топган ва уни тўғри жойга қўйиб, пастга тушиб келаётган итни ушлаб қолди.
