Vengriya poytaxti Budapeshtdan 20 km g‘arbda M1 trassasida yirik avtohalokat sodir bo‘ldi. 42 ta yengil avtomobil to‘qnashib ketdi, ulardan 5 tasi yuk, 37 tasi yengil avtomobil. Bu haqda ТАSS xabar berdi.
Poytaxt politsiyasi bosh boshqarmasi xabar berishicha, 19 ta avtomobil yonib ketgan, 40 ga yaqin kishi jarohatlangan.
«39 kishi kasalxonaga yetkazildi. Ulardan 29 nafari kattalar, 10 nafari bolalardir. Kattalardan 10 kishi og‘ir jarohat, 19 nafari yengil tan jarohatini olgan. 4 nafar bola og‘ir, 6 nafar bola yengil tan jarohati oldi», — dedi Milliy tez yordam xizmati matbuot kotibi Pavel Dyorfi.
Uning so‘zlariga ko‘ra, jabrlanganlarni evakuatsiya qilish uchun 4 ta vertolyot va 16 ta tez tibbiy yordam mashinasi jalb qilingan.
Tez yordam brigadalari nafaqat Budapeshtdan, balki Dyora, Tatabani va Sekeshfexervara kabi boshqa shaharlardan ham kelgan.
Politsiya kuchli shamol va qum bo‘roni yo‘lni ko‘rinmas holga keltirgani hodisaga sabab bo‘lganini aytmoqda.
M1 yo‘li – Avstriyaga olib boradigan avtomagistraldir. Endi u har ikki yo‘nalishda ham yopiq.