Eronning janubidagi Bandar-Abbos shahrida joylashgan Shohid Rajaeye portida kuchli portlash yuz berdi. Mahalliy ommaviy axborot vositalari xabariga ko‘ra, portlash shanba kuni sodir bo‘lgan va uning kuchi yer silkinishini keltirib chiqargan, atrofdagi shahar va qishloqlarda ham eshitilgan.
Hormozgon viloyati favqulodda vaziyatlar boshqarmasi rahbarining so‘zlariga ko‘ra, portlash port majmuasi hududidagi maʼmuriy binoda sodir bo‘lgan. Tasnim agentligi maʼlumotiga ko‘ra, hozircha portlash sababi va hodisa oqibatida jabrlanganlar yoki yetkazilgan zarar haqida rasmiy maʼlumot berilmagan.
Mahalliy hokimiyat organlari voqea joyida tergov ishlarini olib bormoqda. Rasmiylar hozircha voqea haqida rasmiy bayonot bermagan bo‘lsada, tekshiruv ishlari davom etayotgani aytilmoqda.