Fargʻona viloyati Beshariq tumanida sud tizimiga aloqador mansabdor shaxsning qonunga zid harakati aniqlandi. Faoliyati toʻxtatilgan mineral oʻgʻitlar ulgurji savdosi bilan shugʻullanuvchi ishlab chiqarish kooperativiga biriktirilgan sud boshqaruvchisi yordamchisi pora talab qilgani maʼlum boʻldi.
Maʼlumotlarga koʻra, u mineral oʻgʻitlar ishlab chiqarishga ixtisoslashgan MChJning mazkur kooperativdagi 1 mlrd 502 mln soʻm miqdoridagi qarzidan 300 mln soʻmini undirib berishni vaʼda qilib, buning evaziga 4 ming AQSh dollari talab qilgan.
Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari tomonidan oʻtkazilgan tezkor tadbir davomida gumonlanuvchi 48 mln soʻm pul mablagʻini olgan paytda ashёviy dalillar bilan qo‘lga olindi.
Ayni paytda unga nisbatan Jinoyat kodeksining 168-moddasi 3-qismi “v” bandi asosida jinoyat ishi qoʻzgʻatilib, tergov harakatlari olib borilmoqda. Huquqni muhofaza qiluvchi organlar holat yuzasidan qonun doirasida chora koʻrilishini maʼlum qildi.