Фарғоналик йигит онасининг бармоқларини кесиб ташлади
Ҳозирда унга нисбатан жиноий иш очилган.
Фарғона вилоятининг Марғилон шаҳрида руҳий носоғлом ўғил онасининг қўлини кесиб ташлади. Бу ҳақда “Zamon” информацион дастурида хабар берилди.
Онанинг сўзларига кўра, ўғлининг аҳволи ёмон ҳолатга келиб, кўзига тез-тез бир номаълум нарсалар кўринадиган бўлиб қолган. Шундан сўнг, она ўғлини бир неча маротаба шифохонага олиб бориб, маълум вақт даволатган. Ўша куни ҳам унинг кўзига бир нималар кўринган ва онасини калтаклаб кетган. Шунингдек, ўғил қўлидаги қайчи билан онасининг қўлларига жароҳат етказган.
Онасига жароҳат етказгандан сўнг, ўғил қўлида пичоқ билан кўчага чиқиб кетган. У Тошлоқ туманидан Марғилон шаҳридаги бозорга келган. Сўнгра, мато сотиладиган жойда ўзига шикаст етказган.
Ҳозирда йигитга нисбатан Жиноят Кодексининг 104-моддаси (Қасддан баданга оғир шикаст етказиш) 2-қисми “Л” банди билан жиноят иши қўзғатилиб, дастлабки тергов ишлари олиб борилмоқда.
