Unga ko‘ra, Belgiya milliy terma jamoasi ochkolari sonini 39 taga ko‘paytirib, 1822 ball bilan peshqadamlikni saqlab qoldi. Ikkinchi o‘ringa ko‘tarilgan Braziliya 1798 ochko jamg‘ardi. Kuchli uchlikka yakun yasagan Fransiya hisobida 1762 ochko mavjud.
O‘zbekiston milliy terma jamoasi 12-avgust holatiga ko‘ra, 3 pog‘ona yuqorilab, 83-o‘rinni band etgan. Hisobimizda 1284 ochko bor. "Oq bo‘rilar" Osiyo jamoalari orasida 12-pog‘onani egallagan. O‘zbekistondan oldinda Eron, Avstraliya, Yaponiya, Janubiy Koreya, Saudiya Arabistoni, Suriya, Xitoy, BAA, Ummon, Iroq, Qatar terma jamoalari joy olgan.
Jamshid Amirov