Gvatemala Prezidenti Alexandro Giammattei delegatsiyasiga o‘qotar qurollar bilan hujum qilindi. Bu haqda “Radio Sonora” nashri xabar bermoqda.
Qayd etilishicha, kortej Meksika bilan chegara yaqinida o‘qqa tutilgan. Hodisa oqibatida siyosatchi jabrlanmagan.
Hozirda hujumchilar qo‘lga olinib, suiqasd sabablari o‘rganilmoqda. Ma’lum bo‘lishicha, suiqasd uyushtirganlarning barchasi Gvatemala fuqarolari.
Eslatib o‘tamiz, 66 yoshli Giammattei 2020-yil yanvaridan beri mamlakatda prezidentlik qilmoqda. Avvalroq u Ukrainani qo‘llab-quvvatlashini bildirgan edi.