Ҳазораспда кийим дўконлари ёниб кетди
Ёнғинни ўчиришга 13 та ёнғин-қутқарув экипажи жалб қилинган.
Бугун, 14 декабрь куни тонгги соат 03:03 да Хоразм вилояти, Ҳазорасп тумани, “Боғдор” МФЙ, Э.Гаязов кўчасида жойлашган енгил типдаги конструкциядан ясалган кийим-кечак дўконларида ёнғин содир бўлгани тўғрисида ФВБга хабар келиб тушган.
Шунга кўра, 13 та ёнғин-қутқарув экипажи соат 03:07 да ҳодиса жойига етиб борган. Ёнғин соат 03:50 да ўраб олиниб, соат 05:00 да бартараф этилган.
Ёнғин натижасида тан жароҳати олган ва вафот этганлар йўқ.
Ҳозирда ёнғин сабаби ва келтирилган моддий зарар миқдори аниқланмоқда.
