Hindistonning Sekunderabad shahridagi mehmonxonaga tutash ko‘rgazma zalida yong‘in yuz berdi. Hodisa oqibatida kamida sakkiz kishi halok bo‘lgan.
Politsiya yetib kelganida ko‘rgazma zali va mehmonxona quyuq tutunga to‘lgan. O‘t o‘chiruvchilar narvon yordamida tepa qavatlarga chiqib, hushsiz yotganlarni qutqarishga muvaffaq bo‘lishgan. Ba’zilar o‘zlari derazalardan sakrab omon qolgan.
Politsiya voqea yuzasidan tergov olib bormoqda. Taxminlarga ko‘ra, alangaga tunda zaryad qilish uchun qoldirilgan elektr transport vositasi sabab bo‘lgan.