Игуаин Лионел Мессининг «Интер Майами»га келиши мумкинлигини айтди
«Интер Майами» жамоасининг аргентиналик ҳужумчиси Гонсало Игуаин «ПСЖ» юлдузи Лионел Мессининг Америка клубига ўтиши мумкинлиги ҳақида гапирди.
«Ҳозирда мен Леонинг жамоамизга ўтиши ҳақида бирор нарса деёлмайман. Чунки бу менга кўплаб муаммолар олиб келиши мумкин. Лекин клуб Мессини сотиб олишни хоҳлайди. Биз ҳам уни жамоамизда кўришдан хурсанд бўламиз. Қандай бўлишини эса, албатта, вақт кўрсатади», — дейди Гонсало
Маълумот учун: Игуаин 2020 йил «Интер Майами»га эркин агент сифатида ўтганди. У Америка клуби таркибида 29 та ўйинда майдонга тушиб 10 та гол урди ва 5 та голли узатмани амалга оширди. Игуаин «МЛС»га келишидан олдин сўнгги мавсумини «Ювентус» сафида ўтказган.
Лео Месси эса жорий мавсум бошланишидан аввал «ПСЖ» билан икки йиллик шартнома имзолаган ва у яна бир йилга узайтирилиши мумкин.
Эслатиб ўтамиз, бундан аввал Леон Горецканинг «Бавария» билан шартномасини узайтиргани ҳақида хабар берган эдик.
Мақсаджон Обиджонов
