Иммобиле вирусга чалинди
“Лацио” ва Италия терма жамоаси ҳужумчиси Чиро Иммобиледа коронавирус аниқланди.
Хабарларга кўра, Иммобиле ва унинг рафиқаси Жессика кеча Рождество кечки овқатида иштирок этган. Эртаси куни футболчи ва рафиқаси коронавирусга чалингани маълум бўлди.
Иммобиле Италия А cериясининг 18-туридан ўрин олган “Женоа”га қарши ўйинни ўтказиб юборганди. Футболчи “Лацио”нинг кейинги турда “Венеция”га қарши ўйинида ҳам иштирок этолмаслиги маълум бўлди.
Эслатиб ўтамиз, жорий мавсумда Иммобиле А серияда 15 та ўйинда майдонга тушиб, 13 та гол урди ва 2 та голли узатмани амалга оширди.
Аввалроқ, “Аталанта” Миранчукнинг ўрнига бошқа футболчи топгани ва Англия ҳамда Италия мухлислари ўртасида тўқнашув бўлгани ҳақида хабар берилганди.
Жамшидбек Амиров
