Indoneziyaning Sumatra oroli qirg‘oqlarida tezyurar kema halokatga uchradi. Hodisa oqibatida kamida 11 kishi halok bo‘ldi.
Qurbonlar, asosan, ayollar va bolalardir. AP agentligi maʼlumotlariga ko‘ra, to‘qqiz kishi bedarak yo‘qolgan, favqulodda xizmatlar ularni qidirmoqda. Hozirgacha 60 ga yaqin yo‘lovchi qutqarib olindi.
Eslatib o‘tamiz, avvalroq Alor oroliga yo‘lovchilarni olib ketayotgan tezyurar qayiq Indoneziya suvlarida to‘satdan yonib ketgandi. Unda 14 kishi favqulodda hodisa qurboni bo‘lgan.