Исроил Украинага ҳарбий ёрдам етказиб бермайди
Мамлакат Киев туфайли Россия билан муносабатларини бузмоқчи эмас.
Исроилнинг янги ҳукумати Россия билан муносабатларни бузмаслик учун Украинага нисбатан сиёсатини ўзгартирмайди ва қурол-яроғларни Киевга топширмайди. Бу ҳақда «Politico» нашри хабар берди.
Исроил Киевга озиқ-овқат, дори-дармон, сув ва бошқа инсонпарварлик ёрдамларини етказиб берди, аммо ҳарбий техника таклиф қилмади.
“Бу Вашингтонни ғазаблантирмоқда, аммо Москвани қониқтирмоқда”, — деб ёзган газета.
Исроил ҳукумати Украинага фақат гуманитар ва тиббий ёрдам етказиб бераётганини билдирди. Киев мамлакатни ҳаво мудофаасини етказиб беришга чақирди, бироқ Исроил мудофаа вазири бундай қилмаслигини таъкидлаган.
2022 йил 30 декабрь куни Исроил Бош вазири Украина президенти Владимир Зеленский билан телефон орқали гаплашди. Маълумотларга кўра, Украина раҳбари Исроилнинг ҳаво ҳужумидан мудофаа таъминоти бўйича позицияси ўзгариши ҳақида эшитиш истагини билдирган, бироқ Бош вазир ҳеч нарса ваъда қилмаган. Россия Хавфсизлик кенгаши раиси ўринбосари Дмитрий Медведев аввалроқ Исроилнинг Киев режимига қурол етказиб бериши “мамлакатлар ўртасидаги барча давлатлараро муносабатларни йўққа чиқариши” ҳақида огоҳлантирганди.
