Isroilning yangi hukumati Rossiya bilan munosabatlarni buzmaslik uchun Ukrainaga nisbatan siyosatini o‘zgartirmaydi va qurol-yarog‘larni Kiyevga topshirmaydi. Bu haqda «Politico» nashri xabar berdi.
Isroil Kiyevga oziq-ovqat, dori-darmon, suv va boshqa insonparvarlik yordamlarini yetkazib berdi, ammo harbiy texnika taklif qilmadi.
“Bu Vashingtonni g‘azablantirmoqda, ammo Moskvani qoniqtirmoqda”, — deb yozgan gazeta.
Isroil hukumati Ukrainaga faqat gumanitar va tibbiy yordam yetkazib berayotganini bildirdi. Kiyev mamlakatni havo mudofaasini yetkazib berishga chaqirdi, biroq Isroil mudofaa vaziri bunday qilmasligini taʼkidlagan.
2022-yil 30-dekabr kuni Isroil Bosh vaziri Ukraina prezidenti Vladimir Zelenskiy bilan telefon orqali gaplashdi. Maʼlumotlarga ko‘ra, Ukraina rahbari Isroilning havo hujumidan mudofaa taʼminoti bo‘yicha pozitsiyasi o‘zgarishi haqida eshitish istagini bildirgan, biroq Bosh vazir hech narsa vaʼda qilmagan. Rossiya Xavfsizlik kengashi raisi o‘rinbosari Dmitriy Medvedev avvalroq Isroilning Kiyev rejimiga qurol yetkazib berishi “mamlakatlar o‘rtasidagi barcha davlatlararo munosabatlarni yo‘qqa chiqarishi” haqida ogohlantirgandi.