Исроил ва Фаластин ҳужумни тўхтатишга келишиб олди
Бунга БМТ, Миср ва Қатар воситачилигида эришилган.
Миср, Қатар ва БМТ воситачилигида Исроил ва Фаластин қуролли гуруҳлари ўт очишни тўхтатиш бўйича келишувга эришди. Бу ҳақда «Reuters» нашри ёзмоқда.
“Ғазодаги Исроил ва Фаластин қуролли гуруҳлари чоршанба куни эрталаб келишиб олди. Бунга Миср, Қатар ва БМТ расмийларининг саъй-ҳаракатлари билан эришилган”, – дейилади хабарда.
Келишувнинг тўлиқ тафсилотлари эълон қилинмаган.
Сешанба куни Исроил армияси Ғазо секторидан мамлакат жанубига бир неча ўнлаб ракеталар отилгани ҳақида хабар берди. Тез ёрдам хизматининг хабар беришича, камида уч киши жароҳатланган.
