Isroil va AQSh delegatsiyalari ishtirokida G‘azo sektoridagi mojaro yechimiga bag‘ishlangan muzokaralar 5-oktabr, yakshanba kuni Misrda boshlanishi kutilmoqda. Bu haqda Isroilning “12-kanal” telekanali xabar berdi.
Xabarga ko‘ra, AQSh prezidentining maxsus vakili Stiv Vitkoff allaqachon Qohiraga yetib borgan. Muzokaralarda AQSh tomonidan prezident Donald Trampning kuyovi, G‘azo tinchlik rejasini ishlab chiqqan Jared Kushner ham qatnashishi mumkinligi bildirilmoqda.
Mazkur uchrashuv G‘azo sektorida davom etayotgan harbiy harakatlarga barham berish va tinchlik jarayonini tiklash yo‘lida navbatdagi urinish sifatida baholanmoqda.