Italiyaning poytaxti Rimda joylashgan Tesla dilerlik markazida yirik yong‘in sodir bo‘ldi. Terranova hududidagi Serracapriola ko‘chasida joylashgan savdo nuqtasida ro‘y bergan yong‘in natijasida 17 ta Tesla avtomobili butunlay yonib ketdi. Hodisada hech kim jabrlanmagan.
Hozirda yong‘inning aniq sabablari noma’lum, mutaxassislar tekshiruv ishlarini boshlagan. Mahalliy yong‘in o‘chirish xizmati voqea joyiga yetib kelib, alanga tarqalishini oldini olgan.
Hodisa tafsilotlari o‘rganilmoqda, surishtiruv davom etmoqda.