Kripto-aktivlar bilan shug‘ullanish faqat qonun talablariga muvofiq amalga oshirilishi lozim. Qonunga xilof operatsiyalar esa moliyaviy jazo va mol-mulkning xatlanishiga olib keladi.
Jinoyat ishlari bo‘yicha Jizzax shahar sudi hukmiga ko‘ra, O‘zbekiston Respublikasi JK 278⁸-moddasi 2-qismi “b” bandi bilan sudlangan X.Q.ga 18,7 mln so‘m jarima tayinlangan.
Jarimani undirish jarayonida unga tegishli Nexia-3 avtotransport vositasi aniqlangan. Avtomashina yashash manzilidan topilmagani sababli qidiruvga berildi.
Qidiruv tadbirlari davomida avtotransport ijara asosida taksichilikda foydalanilayotgani maʼlum bo‘lib, u jarima maydonchasiga joylashtirilgan.