Курашчиларимиз бугун жаҳон чемпионатида майдонга тушади
Россиянинг Уфа шаҳрида эркин, юнон-рум ва аёллар кураши бўйича ёшлар ўртасида жаҳон чемпионати бўлиб ўтмоқда.
Йигирма бир ёшгача бўлган курашчилар ўртасида ўтказилаётган дунё биринчилигида сайёрамизнинг 53 давлатидан 500 нафардан зиёд спортчи иштирок этмоқда. Улар орасида Ўзбекистон эркин ва юнон-рум кураш терма жамоаси азолари ҳам бор.
Бугун ўсмирлар ва ёшлар ўртасида жаҳон чемпиони, 2018 йил Аргентинада ўтган учинчи ўсмирлар Олимпиадаси ғолиби, «Спорт Оскари» мукофоти соҳиби Умиджон Жалолов (61 кг) ҳамда ўсмирлар Олимпиадасининг бронза медали соҳиби Муҳаммадрасул Раҳимов (92 кг) майдонга тушади.
Қуръа натижасига кўра, 19 ёшли Умиджон Жалолов чиқишларини тўғридан-тўғри 1/8 финалдан бошлайди. Унинг рақиби қозоғистонлик Саламат Маликов ҳамда озарбайжонлик Абдулфаз Насиров ўртасидаги беллашувдан сўнг маълум бўлади. 20 ёшли Муҳаммадрасул Раҳимов эса 1/8 финалда АҚШ курашчиси, 19 ёшли Рокки Жозеф Эламга қарши баҳс олиб боради.
Жамшид Амиров
