Мане бир болани ўлимдан сақлаб қолди

 

Африка Миллатлар Кубогининг 1/8 финали доирасида Кабо-Верде билан ўйиндан сўнг  сенегаллик ҳужумчи мия чайқалиши эҳтимоли борлиги сабабли кўрикдан ўтиш учун шифохонага борди. Тиббиёт муассасасида Мане жароҳатланган боладан хабар топди ва унинг даволаниши учун пул тўлади.

 

“Бафоуссамда Мане бир оиланинг моддий эҳтиёжини қоплаб берди. Бир болани мототцикл уриб юборган ва унинг бутун танаси жароҳат олганди. У ўлимга яқин турарди. Ота-онаси эса фарзандининг даволаниши учун пул тўлашга қодир эмас эди. Садио оғир аҳволда қолган оила аъзолари билан учрашиб, нима бўлганини сўради. Унга вазият тушунтирилди ва у оилага 400 000 СФА франки (600 евродан бир оз кўпроқ) пул берди”, - дея Камерун телеканали “EquinoxeTV” хабар берган.

 

Эслатиб ўтамиз, Мане Африка Кубогининг еттита ўйинида майдонга тушиб, учта гол урди ва иккита голли узатмани амалга оширди. Миср билан финал учрашувининг 7-дақиқасида Садио пенальтини аниқ амалга ошира олмади. Бироқ, пенальтилар сериясида 11 метрлик нуқтани аниқ амалга оширди ва жамоасига турнир чемпионлигини тақдим этди.

 

Аввалроқ, Президент футболчиларни кутиб олиш учун дипломатик сафарни бекор қилгани ҳақида хабар берилганди.

 

Жамшидбек Амиров