O‘zbekiston Respublikasi Prezidenti tomonidan Oliy Majlis Senatiga Markaziy bank boshqaruvi raisi Mamarizo Nurmuratovni egallab turgan lavozimidan ozod etish to‘g‘risida taqdimnoma kiritildi. Bu haqida Prezident matbuot kotibi Sherzod Asadov maʼlum qildi.
Nurmuratov Mamarizo Berdimuratovich 1960 yilda Samarqand viloyatida tug‘ilgan. 1982 yilda Leningrad iqtisodiyot va moliya institutini iqtisodchi mutaxassisligi bo‘yicha tamomlagan. Bank tizimida 17 yillik tajribaga ega. 2017 yildan buyon O‘zbekiston Respublikasi Markaziy banki Raisi lavozimida ishlab kelmoqda.