МДҲ ўйинлари: Ўзбекистон 57 та медаль билан 2-ўринда бормоқда
Россия Федерациясининг Қозон шаҳрида давом этаётган l МДҲ ўйинлари ҳал қилувчи паллага кирди.
Айни пайтда вакилларимиз 57 та медаль жамғариб, умумжамоа ҳисобида 2-ўринни эгаллаб турибди.
Вакилларимиз ҳисобида 16 та олтин, 23 та кумуш ва 18 та бронза медали бор. Мусобақада россияликлар катта фарқ билан етакчилик қилмоқда. Улар 61 та олтин, 18 тадан кумуш ва бронза медалларини қўлга киритган. Кучли учликдан 9 та олтин, 6 та кумуш ва 15 та бронза медали билан Озарбайжон ҳам ўрин олган.
Шунингдек, Қозоғистон, Қирғизистон ва Беларусь вакиллари ҳам олтин медалга сазовор бўлган. Тожикистон, Арманистон ва Молдова вакиллари ҳисобида эса ҳозирча олтин медаль йўқ.
