“Мен диктаторман. Баъзида диктатор керак бўлади” — Трамп
АҚШда ўтказилган сўров натижаларига кўра, америкаликларнинг ярмидан кўпи Трампни “хавфли диктатор” деб баҳолаган.
Швейцариянинг Давос шаҳрида ўтказилган Жаҳон иқтисодий форуми доирасида Америка Қўшма Штатлари Президенти Доналд Трамп бизнес етакчилари билан учрашувда ўзини “баъзида диктатор керак бўлади” деб атади. Бу баёнот 2025 йил январ ойида берган аввалги баёнотига қарама-қарши бўлиб, жамоатчиликда кенг муҳокамаларга сабаб бўлди. Бу ҳақда РБК нашри хабар берди.
Оқ уй матбуот хизмати эълон қилган видеога кўра, Трамп Давосдаги нутқи ва учрашувда олган шарҳларни “соғлом фикр” контекстида изоҳлади. У шунингдек, одатда танқидчилар уни “даҳшатли диктатор” деб аташини, аммо бу сафар бизнес етакчилари бундай сўзларни ишлатмаганини таъкидлади.
Трамп: “Мен диктаторман. Лекин баъзида диктатор керак бўлади. Бу ҳолатда улар буни айтмадилар. Ҳамма нарса оддий фикрга асосланган.” дея таъкидлади.
Аввал Трамп 2025 йил 21 январда ўзини диктор деб ҳисобламаслигини ва бундай лақабни қабул қилмаслигини таъкидлаган эди. Шу билан бирга, унинг президентлик фаолияти давомида мамлакат ички ва ташқи сиёсатида қатор қатъий чоралар кўрилган.
Сўров натижаларига кўра, 2025 йил 28 февралдан 20 мартгача АҚШнинг барча 50 штатидаги 5025 катталар орасида ўтказилган онлайн сўровда америкаликларнинг ярмидан кўпи Трампни “хавфли диктатор” деб баҳолаган. Шу билан бирга, респондентларнинг 54 фоизи Трампнинг президентлик фаолиятини маъқулламайди, 43 фоизи эса 100 кунлик фаолиятидан кейин уни қўллаб-қувватлашини билдирган. Демократ ва республикачилар баҳоларида кескин фарқлар кузатилган.
