Месси коронавирус юқтириб олди
"ПСЖ"нинг яна уч нафар ўйинчисида вирус аниқланган.
Франциянинг “Pari Sen-Jermen” футбол клубининг аргентиналик машҳур ҳужумчиси Лионел Месси коронавирусини юқтириб олди. Бу ҳақда жамоа матбуот хизмати хабар берди.
Шунингдек, "ПСЖ" футболчилари Хуан Бернат, Серхио Рико ва Натан Битумазалда ҳам касаллик аниқланган. Барча беморлар ўзини изоляция қилган. Бразилия клубининг жароҳат олган футболчиси Неймар ҳам ҳозир уйида. У тахминан уч ҳафтадан сўнг машғулотларга қайтади.
"ПСЖ" душанба куни Франция кубоги 1/16 финалида "Vann"га қарши баҳс олиб боради. 19 турдан кейин жамоа 46 очко жамғариб, мамлакат чемпионати турнир жадвалида биринчи ўринни эгаллаб турибди.
Месси жорий мавсумда “ПСЖ” сафида 16 та ўйинда майдонга тушиб, 6 та гол урди ва 5 та голли узатмани амалга оширди.
Аввалроқ Халқаро спорт журналистлари ассоциацияси 2021 йилнинг энг яхши спортчисини аниқлагани, "Bavariya" клуби футболчиси Роберт Левандовски барчадан кўп овоз тўплагани хабар қилинган эди.
