Месси еттинчи бор “Олтин тўп”ни қўлга киритди
Париж шаҳрида футбол бўйича йилнинг энг яхшиларини тақдирлаш маросими бўлиб ўтди.
Маросимда “ПСЖ” ва Аргентина терма жамоаси ҳужумчиси, Лионел Месси 2021 йилги мавсум “Олтин тўп” совринини қўлга киритди.
Шунингдек, 34 ёшли аргентиналик футболчи бу совринни 7 маротба қўлга киритди ва бу рекорд кўрсаткичдир. Криштиану Роналду эса мазкур кўрсаткич бўйича, 5 та соврин билан 2 ўринни эгаллаб турибди.
Манбага кўра, 2021 йилда Месси “Барселона” билан Испания кубогини қўлга киритди. Натижада, 2020 — 2021 йилги мавсумни 30 та гол билан Ла Лиганинг энг яхши тўпурари сифатида якунлади ва Аргентина терма жамоаси билан илк бор Америка Кубогини қўлга киритди.
Маълумот ўрнида: Месси 2009 йилдан 2012 йилгача, шунингдек, 2015 ва 2019 йилларда кетма-кет 4 марта “Олтин тўп”ни қўлга киритганди.
Эслатиб ўтамиз, аввалроқ "Барселона" ва "Анжи" клубининг собиқ ҳужумчиси Самуэл ЭтўО "Олтин тўп" учун асосий даъвогар Месси эканлиги ҳамда Куман Месси “Барселона”даги ҳамма нарсага таъсир ўтказгани ҳақида хабар берилганди.
Чўлпоной Аҳмедова
