Месси ва Роналду  кучли учликка  киролмади

 

Кеча Европа футбол ассоциациялари иттифоқи (UEFА) ўзининг расмий сайтида 2020/2021 йилги мавсумнинг энг яхши ўйинчиси мукофотига номзодлар рўйхатини эълон қилди. Кучли учликка Кевин Де Брюйне (Бельгия, «Манчестер Сити») Жоржино (Италия, «Челси») ва Н’Голо Канте (Франция, «Челси») кирди.

 

Криштиану Роналду (Португалия, «Ювентус») ва Лионел Месси (Аргентина, “ПСЖ) эса кучли учликка кира олмади.

 

Кучли учликка кирганлар овоз бериш орқали аниқланди. Унда “Евро -2020”да қатнашган 24 та терма жамоа мураббийлари, 2020/2021 йилги мавсумда Европа чемпионлар лигаси ва Европа лигаси гуруҳ босқичида ўйнаган 80 та клуб мураббийлари, шунингдек, 55 та спорт журналистлари иштирок этди.

 

Мукофот 26 август куни Туркиянинг Истанбул шаҳрида Чемпионлар лигасининг  гуруҳ босқичига қуръа ташлаш маросимида топширилади.

 

Жамшид Амиров