Sun Chjuanchi, Xitoy ijtimoiy fanlar akademiyasining Rossiya, Sharqiy Yevropa va Markaziy Osiyo instituti direktori:
"O‘zbekiston Prezidentining nutqi bir nechta jihatlari bilan alohida ajralib turadi.
Birinchidan, SHHT faoliyatini takomillashtirishning muhimligi qayd etildi, bu haqda o‘tgan yilgi Samarqand sammitida ham bayonot berilgandi. Xususan, bugungi kunda yuz berayotgan jarayonlar SHHT institutlari faoliyatini qayta ko‘rib chiqish, shuningdek, tashkilot doirasida qarorlar qabul qilishni jadallashtirish bo‘yicha mexanizmlar ishlab chiqishni taqozo etmoqda. Shu maʼnoda, O‘zbekiston Prezidenti Sh.M.Mirziyoyevning tashabbuslari mohiyatan Shanxay tashkilotini “jonlantirish”ga qaratilgan.
Ikkinchidan, O‘zbekiston Rahbari SHHT makonida iqtisodiy hamkorlikni mustahkamlash zarurligini taʼkidladi. Yangi iqtisodiy muloqot borasidagi g‘oyalarni amalga oshirish, mintaqa ichidagi savdo-sotiq va sanoat-texnologik kooperatsiyani kuchaytirish maqsadida umumiy maydonni shakllantirish SHHTga aʼzo davlatlarning yana-da rivojlanishi uchun mustahkam zamin yaratadi.
Uchinchidan, O‘zbekiston Prezidenti transport-tranzit bog‘liqlikni mustahkamlash masalasiga yana bir bor eʼtibor qaratdi. Transport bog‘lamalar bo‘yicha loyihalarni birgalikda ro‘yobga chiqarish nafaqat yuk tashuvlar hajmini bir necha baravar oshirish, balki transport xarajatlarini jiddiy kamaytirish imkonini ham beradi."