Har kuni 2000 ta plastik axlat tashuvchi mashina sayyora okeanlari, daryolari va ko‘llariga tushadi — bu juda katta massa. BMT xavfli chiqindilarning bunday hajmi dahshatli oqibatlarga olib kelishini qayd etdi.
“Mikroplastiklar biz isteʼmol qiladigan ovqat, ichadigan suv va nafas olayotgan havoda mavjud”, — dedi BMT Bosh kotibi Antoniu Guterrish.
Uning qo‘shimcha qilishicha, 2040 yilga kelib plastik ifloslanish 80 foizga kamayishi mumkin, agar plastmassadan qayta foydalanish, qayta ishlash, yo‘nalishni o‘zgartirish va diversifikatsiya qilish imkoniyatiga ega bo‘linsa.