Ma’lumotlarga ko‘ra, Inbazar asoschisi zo‘ravonlik qilayotgani aks etgan holatlar eski bo‘lib, hech kim ariza bilan murojaat qilmagan. Ayni vaqtda poytaxt IIBB holat yuzasidan tergovga qadar tekshiruv boshlagan.
"Bu shaxsga nisbatan internetda tarqalgan videolar yuzasidan tergovga qadar tekshiruv o‘tkazilmoqda. U videodagi holatlar eski bo‘lib, muqaddam hech kim ariza bilan murojaat qilmagan. Hozir videoda aks etgan shaxslarning shaxsi aniqlanib, tekshiruv o‘tkazilmoqda", — deyiladi Toshkent shahar IIBB axborot xizmati taqdim qilgan ma’lumotda.
14-sentabr kuni Toshkent shahrida faoliyat yurituvchi yirik savdo markazlaridan biri bo‘lmish Inbazar'ning Sergeli tumanidagi savdo markazi mas’uli xodimni kaltaklagani aks etgan video tarqalgandi. Ko‘p o‘tmay tarmoq rahbari videomurojaat qilib, zo‘ravonga jazo ko‘rilishini aytib chiqdi.