Bugundan Uzbekistan Airways O‘zbekiston va Indoneziya o‘rtasida muntazam aviaqatnovlarni yo‘lga qo‘ydi. Bu haqda aviakompaniya Matbuot xizmati xabar bermoqda.
Toshkent-Jakarta-Toshkent yo‘nalishi bo‘yicha parvozlar chorshanba kunlari Boeing 787 Dreamliner samolyotlarida amalga oshiriladi.
— HY-541 Toshkent 09:00 - Jakarta 19:30;
— HY-542 Jakarta 21:00 - Toshkent 03:30 (payshanba).
Bir tomonlama chiptalar narxi 4,6 million so‘mdan va ekonom-klass uchun har ikki yo‘nalishda 8,6 million so‘mdan boshlanadi.
Taʼkidlash joizki, Jakartadan Indoneziyaning Bali oroliga qulay tutashuv reyslari mavjud.