Ўзбекистонда илк бор IELTSдан 9 балли натижа қайд этилди
Бекзод Мираҳмедов сўнгги марта январь ойида мазкур имтиҳондан ўтиб, 8,5 балл олган.
IELTS Zone ўқув маркази асосчиси Бекзод Мираҳмедов Ўзбекистонда халқаро инглиз тилини баҳолаш тизими (IELTS)дан максимал 9 баллни қўлга киритди.
Бекзод Мираҳмедов 3 март куни ўзининг Instagram саҳифасида сертификатни қабул қилиб олгани ҳақида видео жойлади.
У IELTS имтиҳонининг 3 та қисмидан — Listening (тинглаб тушуниш), Speaking (сўзлаш) ва Reading (ўқиб тушуниш)дан 9 балл, Writing (ёзиш) имтиҳонидан эса 8 баллни қўлга киритган.
Бекзод Мираҳмедов сўнгги марта январь ойида мазкур имтиҳондан ўтиб, 8,5 балл олганди.
Маълумот учун, Бекзод Мираҳмедов IELTS Zone ўқув марказида дарс беради. Шунингдек, 10 йилдан ортиқ тажрибага эга IELTS инструктор ҳисобланади.
