«Rosgeologia» xoldingi geologiya-qidiruv ishlari natijalariga ko‘ra O‘zbekiston hududida neft va gaz tarkibidagi qatlamlarni aniqladi va 2023 yilda o‘rganishni davom ettiradi. Bu haqda xolding rahbari Sergey Gorkovga tayanib, «TASS» xabar berdi.
«Ha, bizda natijalar bor. Neft va gaz konlarini topdik. Kelgusi yilda batafsil o‘rganishni davom ettiramiz», — deydi u.
Gorkovning tushuntirishicha, «Rosgeologiya» O‘zbekiston hududida gaz inshootlarini aniqlagan. «Zahira bor, lekin qancha miqdordaligi va boshqa ma’lumotlarni keyingi yilgi bosqichdan keyin bilamiz», — deb qo‘shimcha qildi u.
Uning so‘zlariga ko‘ra, O‘zbekistonda geologik qidiruv ishlarining joriy bosqichi 2023 yilda yakunlanadi. Bundan tashqari, xolding kelgusi yilning aprel-oktabr oylarida ishni davom ettirish bo‘yicha muzokaralar olib bormoqda. «O‘zbekistonga kelsak, Sovet davrida Orol dengizida hech kim bu ishlarni amalga oshirmagan. Biz buni uddaladik. Eng muhimi, natija bor, juda muvaffaqiyatli», — deydi Gorkov.