Qirg‘iziston Prezidenti Sadir Japarovning 5 sentyabr kuni imzolagan farmoni bilan O‘zbekistoning madaniyat va sanʼat sohasidagi ikki vakiliga faxriy unvon berildi.
Jumladan, O‘zbekiston Madaniyat vaziri Ozodbek Nazarbekovga Qirg‘iziston xalq artisti faxriy unvoni, Yunus Rajabiy nomidagi O‘zbek milliy musiqa sanʼati instituti “Anʼanaviy maqom ijrochiligi” kafedrasi katta o‘qituvchisi Farangiz Mahmudovaga Qirg‘izistonda xizmat ko‘rsatgan artist unvoni berildi.
Hujjatda aytilishicha, ushbu unvonlar Qirg‘iziston va O‘zbekiston o‘rtasida madaniyat va sanʼat sohasidagi do‘stlik va hamkorlikni mustahkamlashga qo‘shgan katta hissasi uchun berildi.