Пара дзюдо: терма жамоамиз Хейделберг Гран-Присида кучли тўртликдан жой олди
Бундан аввал аёллар ўртасида Ж1 классида-57 кг вазн тоифасида Улжон Амриева олтин медалга сазовор бўганди.
Германиянинг Хейделберг шаҳри мезбонлик қилган пара дзюдо бўйича ИБСА халқаро Гран-при турнири ўз ниҳоясига етди.
Мусобақанинг сўнгги куни ҳам вакилларимиз учун омадли кечди. Эркаклар ўртасида Ж2 классида -90 кг вазн тоифасида яна бир ҳамюртимиз Довурхон Кароматов ҳам барча рақибларини мағлуб этган ҳолда олтин медалга сазовор бўлди. Шунингдек, аёллар ўртасида Ж2 классида +70 кг вазн тоифасида баҳс олиб борган спортчимиз Моҳинур Пармонова бронза медалини делегациямиз ҳисобига қўшиб қўйди.
Шу тариқа Ўзбекистон терма жамоаси Хейделберг Гран-присини 2 та олтин, 1 та кумуш ва 4 та бронза, жами 7 та медал билан якунлади. Эътиборлиси, терма жамоамиз дунёнинг 50 га яқин мамлакатидан 200 дан ортиқ энг сара пара дзюдочилар иштирок этган ушбу мусобақада умумжамоа ҳисобида 4-ўринни эгаллади.
