Пекин Ашхобод билан энергетик ҳамкорликни кучайтирмоқчи
Икки давлат ТИВ раҳбарлари Нур-Султонда учрашди.
Хитой Туркманистон билан энергетик ҳамкорликни чуқурлаштиришга тайёр. Бу ҳақда Хитой ташқи ишлар вазири Ван И туркманистонлик ҳамкасби Рашид Мередев билан учрашувида айтиб ўтди.
"Энергетикадаги ҳамкорлик Хитой-Туркманистон стратегик муносабатларининг муҳим қисми хисобланади", — деган Ван И.
Унинг қўшимча қилишича, халқаро вазият қандай бўлишидан қатъий назар, ХХР Ашхобод билан энергетик ҳамкорлигини кенгайтиради.
“Биз туркман томони билан ҳамкорлик масштабини кенгайтиришга, барча ишлаб чиқариш занжирлари бўйича ҳамкорлик қилишга тайёрмиз”, – деб қайд этган дипломат.
Хитой ТИВнинг маълум қилишича, томонлар, шунингдек, хомашёдан ташқари бўлган соҳаларда ҳам алоқаларни кучайтиришга тайёрлигини билдирган.
Владимир Норов Қозоғистонда бўлиб ўтадиган вазирлар учрашувида қатнашиши хабар қилинганди.
