25-aprelga o‘tar kechasi Hindiston va Pokiston harbiylari Kashmir mintaqasida joylashgan nazorat chizig‘i bo‘ylab bir-biriga qarata o‘t ochdi.
Voqea Hindiston armiyasi bosh qo‘mondoni, general Upendra Dvivedining Shrinagar va Udxampurga tashrifidan bir necha soat avval yuz berdi.
Hozircha har ikki tomon yo‘qotishlar haqida rasmiy maʼlumot bergani yo‘q. Halok bo‘lganlar yoki yaralanganlar bor-yo‘qligi nomaʼlum. Dehli va Islomobod bir-birini o‘t ochishni to‘xtatish rejimini buzganlikda ayblamoqda.