Профессионал таълим муассасаларига танлов эртадан бошланади
Абитуриентлар 10 кун ичида таълим шаклини танлашлари лозим.
Ўзбекистонда профессионал таълим муассасаларига танлов 18 августдан бошланади. Бу ҳақида Олий таълим, фан ва инновациялар вазирлиги хабар берди.
“Олий ва профессионал таълим муассасаларига кириш тест синовларида иштирок этган абитуриентлар 2024 йил 18 августдан 27 августга қадар 10 кун давомида ‘my.uzbmb.uz’ сайтида коллеж ёки техникум, касб ва мутахассислик ҳамда таълим шаклини танлашлари лозим”, - дейилади хабарда.
Шунингдек, абитуриентлар муддати якунлангунга қадар ўз танловларини ўзгартиришлари мумкинлиги хабар қилинган. Абитуриентларнинг талабаликка тавсия этилган ёки этилмагани тўғрисидаги якуний танлов натижалари танлаш тўлиқ якунлангандан сўнг бир ҳафта муддатда эълон қилинади.
