Rossiya prezidenti Vladimir Putinning reytingi qisman safarbarlik eʼlon qilinganidan keyin pasayishni boshladi. Kreml rahbari so‘nggi bir oy ichida 6% yo‘qotdi. O‘tkazilgan so‘rovnomaga ko‘ra, rossiyaliklarning 40 foizi Putinga ishonch bildirgan.
Oxirgi uch oy davomida respondentlarning 83 foizi uning lavozimdagi faoliyatini qo‘llab-quvvatlagan bo‘lsa, sentyabr oyida bu ko‘rsatkich 77 foizga tushib ketdi. Shu bilan birga, fuqarolarning beshdan bir qismi (21%) uning faoliyatini maʼqullamaydi.
Respondentlarning yana 27 foizi mamlakat noto‘g‘ri yo‘nalishda ketmoqda deb hisoblaydi.
Rossiyada hokimiyatning boshqa institutlariga, xususan, bosh vazirga bo‘lgan ishonch darajasi ham unchalik sezilarli bo‘lmasa-da, biroz pasaygan.