Ijtimoiy tarmoqlarda Qashqadaryoning Yakkabog‘ tumanida bodom gullagani aytilayotgan xabarlar tarqaldi.
“Uzb_meteo” sayti bergan maʼlumotlarga ko‘ra oxirgi ikki uch kun respublikaning katta qismida aprel oyining o‘rtalariga xos iliq, bahoriy havo kuzatilgan. Janub viloyatlarda harorat maksimumlari +20 darajaga ko‘tarilgan. Bu esa yuqoridagi kabi ertapishar bodom daraxtida gullash holatlarini keltirib chiqargan.
Bu, tabiiyki, ommaviy gullash emas, ammo bunaqa issiq kunlar yana ikki uch kun davomiy kuzatilsa, janub va voha hududlarida bodom daraxtlarida gullash hodisalari kuzatilishi ham bor gap.
Munojat Valiyeva