Viloyat IIBning xabar qilishicha, 4-mart kuni Chiroqchi tumani “Istiqlol” mahallasida yashovchi fuqaro boshqaruvidagi “Damas” rusumli avtomashina ishtirokida YTH sodir bo‘lgan.
Haydovchi mashinani “Qarshi-Chim-Chiroqchi-Shahrisabz” yo‘lining Chiroqchi tumani Dam qishlog‘i hududidan boshqarib borib, yo‘lni o‘ng tomonidan chap tomoniga piyoda kesib o‘tayotgan voyaga yetmagan bolani urib yuborgan. Natijada u tan jarohati olib shifoxonaga yotqizilgan.
Hozirda mazkur holat yuzasidan tergovga qadar surishtiruv ishlari olib borilmoqda.