O‘zbekiston “Adolat” sotsial-demokratik partiyasi Siyosiy Kengashi raisi, Oliy Majlis Qonunchilik palatasidagi “Adolat” SDP fraksiyasi rahbari Robaxon Mahmudova og‘ir judolikka uchradi. Uning o‘g‘li Rustam Mahmudov vafot etdi. Bu haqda Oliy sud matbuot xizmati xabar berdi.
Ma’lumot o‘rnida, Robaxon Mahmudova 2023-yilgi O‘zbekiston Respublikasi Prezident saylovida “Adolat” sotsial-demokratik partiyasidan nomzod sifatida ishtirok etgan. Saylov natijalariga ko‘ra, u 4,43 foiz ovoz to‘plab, amaldagi prezident Shavkat Mirziyoyevdan keyin ikkinchi o‘rinni egallagan edi.
“Zamon.uz” jamoasi marhumning oila a’zolari va yaqinlariga chuqur hamdardlik bildiradi.