Россия Президенти G20 саммитида иштирок этади
Унда Владимир Зеленский ҳам қатнашиши кутилмоқда.
Россия Президенти Владимир Путин ва Хитой раҳбари Си Цзиньпин Индонезиянинг Бали оролида бўлиб ўтадиган G20 саммитида шахсан иштирок этишни режалаштирмоқда Бу ҳақда Индонезия Президенти маълум қилди.
“Ҳа, Си Цзиньпин саммитда бўлади, Президент Путин ҳам менга келишини айтди”, — деди Видодо.
Кремл матбуот хизмати хабарига кўра, бир кун аввал Путин Видодо билан телефон орқали мулоқот қилган ва томонлар бошқа муаммолар қаторида саммитга тайёргарлик масаласига ҳам тўхталган.
Саммит 15-16 ноябрь кунларига белгиланган. Тадбирга Украина раҳбари Владимир Зеленский ҳам келиши мумкин.
Эслатиб ўтамиз, аввалроқ Россия Президенти матбуот котиби Дмитрий Песков Путиннинг “Катта еттилик” саммитида иштирок этиш формати бўйича ҳали қарор қабул қилинмаганини маълум қилганди.
