Samarqand aeroportida qadimiy tangalarni chetga olib chiqib ketayotgan shaxs ushlandi. Bu haqda viloyat bojxona boshqarmasi axborot xizmati xabar qildi.
Qayd etilishicha, “Samarqand–Vnukovo” yo‘nalishidagi aviareys bilan xorijga ketayotgan fuqaro A. A.ning bagaj sumkasi rentgen apparati yordamida bojxona nazoratidan o‘tkazilgan. Uning sumkasidan Kushonlar davriga oid 5 dona qadimiy tangalar, 3 dona tarozi kalibrovkasini o‘lchaydigan qadimiy metallar hamda 1 donadan 7,62 kalibrli gilza va otilgan o‘q qoldig‘i borligi aniqlangan.
Hozirda mazkur holat yuzasidan bojxona organlari tomonidan surishtiruv harakatlari davom ettirilmoqda.
Qonunga ko‘ra, ellik yil muqaddam va undan ham oldinroq yaratilgan madaniy boyliklarni O‘zbekiston Respublikasidan olib chiqilishi mumkin emas.