Bugun, 8-iyun kuni Samarqand viloyatining Oqdaryo tumanidagi qabristonda yong‘in yuz berdi. Holat yuzasidan viloyat FVB ma’lumot berdi.
Qayd etilishicha, soat 15:01 da “Mustaqillik” mahallasida joylashgan “Qang‘li” qabristonida yong‘in sodir bo‘layotganligi haqida tuman FVBga xabar kelib tushgan. Shunga ko‘ra, 2 ta yong‘in-qutqaruv ekipaji soat 15:05 da voqea joyiga yetib borib, yong‘in soat 15:28 da bartaraf etilgan.
Hodisa oqibatida hech kim tan jarohati olmagan. Qabristonning taxminan 4 sotix maydonida quruq o‘t yongan. Hozirda yong‘in sababi va moddiy zarar miqdori aniqlanmoqda.
Eslatib o‘tamiz, bundan oldin Samarqand shahridagi 2 ta MCHJ binosida yong‘in chiqqandi. Oqibatda taxminan 200 kvadtar metr maydonda binoning tomi va shift qismi yonib zararlangan.