Саудия Арабистонининг энг қиммат футболчилари
Роналду рўйхатнинг 20-ўрнида қайд этилди.
Трансфермаркт Саудия Арабистони Про-лигаси футболчиларининг нархини қайтадан баҳолади. Криштиану Роналду энг қиммат футболчилар рўйхатида бор-йўғи 20-ўринда қайд этилди. Кучли олтиликка қайси футболчилар киритилди? Қуйида бу ҳақида маълумотга эга бўлишингиз мумкин.
5-6-ўрин - Александр Митрович
"Ал-Ҳилол" ҳужумчисининг нархи 25 миллион еврони ташкил қилади.
5-6 ўрин - Малком
"Ал-Ҳилол" вингерининг нархи ҳам 25 миллион евро этиб белгиланган.
2-4-ўрин - Иван Тоней
"Ал Аҳли" клуби ҳужумчиси 28 миллион еврога баҳоланган.
2-4 ўрин - Моҳамед Симакан
"Ал-Ҳилол" ҳимоячисининг нархи 28 миллион еврони ташкил этмоқда.
2-4-ўрин - Рубен Невес
"Ал-Ҳилол" ярим ҳимоячисининг нархи 28 миллион евро эканлиги қайд этилган.
1-ўрин - Мусса Диаби
"Ал Иттиҳод" вингери 35 миллион еврога баҳоланган.
"Ал-Наср" ҳужумчиси Криштиану Роналдунинг нархи бор-йўғи 12 миллион еврони ташкил этади, бу эса чемпионатдаги энг қиммат футболчилар рўйхатида 20-ўринга тўғри келади.
