Germaniyaga kelayotgan qochqinlar soni haddan tashqari ko‘payib ketdi. Bu haqda Germaniya kansleri Olaf Shols maʼlum qildi.
Hukumat rahbarining fikricha, rasmiylar cheklovchi choralarni kiritishi kerak.
Germaniya allaqachon Shveysariya va Chexiya bilan chegaralarda qo‘shma patrul faoliyatini boshlagan. Yevropa Ittifoqining barcha mamlakatlarida qochqinlar ro‘yxatga olish tartibidan o‘tishi kerak.
"Bunday davom eta olmaydi: Germaniyaga kelgan barcha qochqinlarning 70 foizdan ortig‘i ilgari ro‘yxatdan o‘tmagan, garchi ularning deyarli barchasi bundan oldin YEI davlatlaridan biriga kelgan bo‘lsa ham", - dedi siyosatchi.