Ijtimoiy tarmoqda Termiz shahridagi San’at saroyi yaqinida 3 ta avtomobil ishtirokida YTH sodir bo‘lgani aks etgan videolavhalar tarqaldi.
Voqea guvohlarining aytishicha, to‘qnashuv mikroavtobus, Neksiya va Cobalt avtomobillari ishtirokida ro‘y bergan. Hodisa oqibatida Cobalt avtomashinasida yong‘in yuzaga kelgan.
O‘t o‘chiruvchilar tomonidan yong‘in to‘liq bartaraf qilingan.
Mazkur holat bo‘yicha hozircha rasmiy ma’lumot berilmadi. Ijtimoiy tarmoq foydalanuvchilari to‘qnashuvda halok bo‘lganlar borligini aytmoqda.
Avvalroq Ohangaronda yuk avtomobili ag’darilib ketgani xabar qilingandi.