Mazkur oliy taʼlim muassasasi Termiz shahrida 2020-2021 o‘quv yilida ochilgan o‘rta maxsus islom taʼlim muassasasining uzviy davomi sifatida davlat ro‘yxatidan o‘tkazilgan.
Taʼlim muassasasida o‘qish muddati 4 yil bo‘lib, bakalavr darajasidagi oliy diniy maʼlumotli hadis ilmlari, diniy fanlar va arab tili bo‘yicha mutaxassislar tayyorlanadi.
Ayni paytda Imom Termiziy nomidagi islom institutiga 2024-2025 o‘quv yili uchun qabul eʼlon qilinmoqda. O‘qishga kirish istagida bo‘lgan abituriyentlardan hujjatlarni qabul qilish 2024 yil 14 avgustdan 20 avgustga (shu kuni ham soat 18:00 gacha) qadar davom etadi.
Abituriyentlar arab tili, hadis va mustalahul hadis (ijodiy) hamda tarix fanlaridan imtihonlarni topshiradilar.
Hozircha qabul imtihonlari o‘tkaziladigan sana bo‘yicha maʼlumot berilmadi.