Tataristonning Malorechenskiy qishlog‘idagi chorvachilik kompleksi hududida ishchilar vaqtincha yashashi uchun mo‘ljallangan uy yonib ketdi. Rossiya Favqulodda vaziyatlar vazirligi matbuot xizmatining xabar berishicha, yong‘inda 6 nafar ishchi halok bo‘lgan.
Qayd etilishicha, yong‘in vaqtida uyda jami 39 kishi bo‘lgan. Bir soat ichida yong‘in o‘chirilgan. Hodisa joyida olti kishining jasadi topilgan. Halok bo‘lganlarning besh nafari O‘zbekiston fuqarolari ekani aytilmoqda.
Dastlabki maʼlumotlarga ko‘ra, yong‘inning kelib chiqishiga elektr uskunalaridan foydalanish qoidalarining buzilishi sabab bo‘lgan.